www.pnomsin.com

ແຂວງຈຳປາສັກ ເປັນເຈົ້າພາບ ກິລາແຫ່ງຊາດ ໃນລະຫວ່າງ ວັນທີ 13 ຫາ22 ທັນວາ ທີ່ຜ່ານມາ ທາງແຂວງໄດ້ນຳເຂົ້າອາຫານຈາກປະເທດໄທ ຄື: ຊຶ້ງົວ 200 ໂຕ, ໄກ່ 1500 ໂຕ ພ້ອມດ້ວຍ ອາຫານທະເລ. ຊື້ຈາກ ແຂວງອື່ນໆ ມີ ຫມູ 1000 ກວ່າ ໂຕນ, ລູກຊີ້ນ 50,000 ໂຕນ, ປານິນ 25,000 ໂຕນ. ຂໍ້ມູນຈາກ ນສພ ການຄ້າ

ປະຈຸບັນນີ້ ຖ້າຈະເດີນທາງ ທາງລົດ ໄປໄຊຍະບູລີ ແມ່ນຕ້ອງຂ້າມນ້ຳຂອງ ທີ່ທ່າເດື່ອ-ປາກຄອນ ດ້ວຍເຮືອບັກ. ແຕ່ໃນອະນາຄົດອັນໃກ້ນີ້ ກຳລັງຈະມີການກໍ່ສ້າງຂົວ ຂ້າມນ້ຳຂອງ ພ້ອມທັງ ຍົກລະດັບທາງຫລວງ ຫມາຍເລກ4 ຈາກ ຊຽງເງິນ ໄປນາຄ່າ ເມືອງແກ່ນທ້າວ ຍາວ​ປະມານ 100 ກ່ວາ​ກິ​ໂລແມັດ​ ລວມ ມູນ​ຄ່າ ​ການ ​ກໍ່ສ້າງ​ທັງ​ໝົດ 88,5 ລ້າ​ນ​ໂດ​ລາ​ສະຫະລັດ

Read the rest of this entry »

ໃນງານ ປະກວດນາງສາວອາພອນລາວປີ 2008 ທີ່ຫໍວັດທະນະທຳແຫ່ງຊາດ ໃນຄ່ຳຄືນຂອງວັນທີ 20 ທັນວາ 2008 ນີ້ ນາງສາວ ທິບພະວົງ ຂັນຕີສາລີ A10 ຈາກແຂວງຈຳປາສັກ ໄດ້ເປັນນາງສາວອາພອນລາວ, ນາງສາວ ມະນີທິບ ຈຳປາສັກ A9 ຈາກແຂວງຈຳປາສັກ ໄດ້ຮັບລາງວັນຮອງອັນດັບໜຶ່ງ, ນາງ ສະຫຼັກໃຈ ອຸດຕະນະ ສິດ A2 ຈາກນະຄອນຫຼວງວຽງຈັນ ໄດ້ຮັບລາງວັນເປັນຮອງອັນດັບສອງ ແລະ ນາງ ດາລີນາ ລາດສະບຸດ A16 ແລະນາງ ກຸຫຼາບ ແສງມະນີ A8 ຈາກນະຄອນຫຼວງວຽງຈັນ ໄດ້ຮັບລາງວັນຮອງອັນດັບສາມ ແລະ ສີ່ . ນາງສາວມິດຕະພາບ ໄດ້ແກ່ນາງ ພິດສະໃໝ ມີຖາວົງ A7 ຈາກແຂວງຫຼວງພະບາງ ນາງສາວຂວັນໃຈສື່ມວນຊົນ ໄດ້ແກ່ນາງ ກຸຫຼາບ ແສງມະນີ ຈາກນະຄອນຫຼວງວຽງຈັນ ແລະ ນາງສາວຂວັນໃຈປະຊາຊົນ ໄດ້ແກ່ນາງ ດວງມະນີ ເຮືອງຄຳແສງ A4 ຈາກນະຄອນຫຼວງວຽງຈັນ.

Read the rest of this entry »

ງານມະຫະກຳກິລາແຫ່ງຊາດ ຄັ້ງທີ VIII ໄດ້ທີ່ແຂວງຈຳປາສັກເປັນເຈົ້າພາບນັ້ນ ແມ່ນໄດ້ເປີດຂຶ້ນ ຢ່າງເປັນທາງການແລ້ວ ໃນຕອນແລງວັນທີ 13 ທັນວາ 2008 ຜ່ານມານີ້ ທີ່ສະໜາມກິລາແຂວງ ໂດຍມີທ່ານ ຄຳໄຕ ສີພັນດອນ ອາດີດປະທານປະເທດ ທ່ານ ບົວສອນ ບຸບຜາວັນ ນາຍົກລັດຖະມົນຕີ ພ້ອມດ້ວຍຄະນະນຳ ນັກກິລາແຕ່ລະແຂວງ ກະຊວງ ແລະ ມວນຊົນ ທັງພາຍໃນ ແລະ ຕ່າງປະເທດ ເຂົ້າຮ່ວມປະມານ 10 ພັນກ່ວາຄົນ.

ທ່ານ ໂສພາ ອິນທະວົງສາ ຫົວໜ້າຫ້ອງການ ວາລະສານວັນນະສິນ ທັງເປັນວິຊາການກອງປະກວດນາງ ສາວຊີເກມ ໄດ້ລາຍງານໃຫ້ຮູ້ວ່າ: ມີນາງສາວ ທີ່ເຂົ້າຮ່ວມສະໝັກຄັດເລືອກ ທັງໝົດ 285 ຄົນ ຄັດເລືອກໄດ້ແລ້ວ 100 ຄົນ ເພື່ອຮັບໃຊ້ຊີເກມ ຄັ້ງທີ 25 ປີ 2009 ທີ່ລາວເຮົາເປັນເຈົ້າພາບ ແລະ ໃນຄຳຄືນ ສົ່ງທ້າຍປີເກົ່າ ຕ້ອນຮັບປີໃໝ່ສາກົນ ນາງ ສາວຊີເກມດັ່ງກ່າວ ກໍຈະໄດ້ຂຶ້ນເວທີສະແດງ ຢູ່ທີ່ສວນປະຕູໄຊ (ວັນທີ 31 ທັນວາ 2008).

http://www.vientianemai.net/news.php?TopicID=6&NewsID=5836

ບໍລິສັດ ບູຢອງ ຈຳກັດ ແຫ່ງປະເທດ ສ.ເກົາຫຼີ ເປັນຜູ້ສຶກສາ ຄວາມເປັນໄປໄດ້ ໂຄງການກໍ່ສ້າງ ສະໜາມບິນສາກົນແຫ່ງໃຫມ່ ຢູ່ເຂດຫຼັກກິໂລແມັດທີ 21-27 ເມືອງໄຊທານີ ນະຄອນຫຼວງວຽງຈັນ ເຊິ່ງມີເນື້ອທີ່ທັງໝົດ 5.000 ເຮັກຕາ   ພິທີລົງນາມ ບົດບັນທຶກຄວາມເຂົ້າໃຈ ໃນການສຶກສາຄວາມເປັນໄປໄດ້ ໄດ້ມີຂຶ້ນ ວັນທີ 5 ທັນວາ 2008 ທີ່ຜ່ານມາ ຢູ່ໂຮງແຮມລາວພລາຊາ ນະຄອນຫຼວງວຽງຈັນ. ແຫລ່ງຂ່າວ ຈາກ ນສພ ວຽງຈັນໃຫມ່

ເມື່ອກ່ອນ ເພິ່ນເອີ້ນຊື່ກະຊວງວ່າ ກະຊວງອຸດສາກະກຳແລະຫັັດຖະກຳ ມີທ່ານ ສຸລິວົງ ດາລາວົງ ເປັນລັດຖະມົນຕີ. ຕໍ່ມາ ເກີດມີ ກະຊວງອຸດສາຫະກຳແລະການຄ້າ ມີທ່ານ ສຸລິວົງ ດາລາວົງ ເປັນລັດຖະມົນຕີ ກັບ ກະຊວງ ພະລັງງານແລະບໍ່ແຮ່ ມີທ່ານ ບໍ່ສາຍຄຳ ວົງດາລາ ເປັນລັດຖະມົນຕີ. ເມື່ອທ່ານ ບໍ່ສາຍຄຳ ວົງດາລາເສຍຊີວິດໄປ ເມື່ອທ້າຍເດືອນ7ທີ່ຜ່ານມາ ຕຳແຫນ່ງລັດຖະມົນຕີກໍ່ວ່າງ. ເມື່ອວັນສຸກທີ່ຜ່ານມາ ໄດ້ມີການແຕ່ງຕັ້ງຢ່າງເປັນທາງການ ໃຫ້ທ່ານ ສຸລິວົງ ດາລາວົງ ເປັນລັດຖະມົນຕີ ກະຊວງ ພະລັງງານແລະບໍ່ແຮ່ ໂດຍການເຂົ້າຮ່ວມຂອງ ທ່ານ ບົວສອນ ບຸບຜາວັນ ນາຍົກລັດຖະມົນຕີ.

ແຫລ່ງຂ່າວ http://www.kplnet.net/english/news/newsrecord/09.12.08/edn3.htm

ໃນການແຂ່ງຂັນ ອາຊຽນຄັບ 2008 ທີ່ຈະຈັດຂຶ້ນທີ່ບາງກອກປະເທດໄທ, ນັກເຕະບານທິມຊາດລາວທີມໃຫຍ່ ແມ່ນນອນຢູ່ໃນສາຍ B ມີກຳນົດແຂ່ງຂັນດັ່ງນີ້ : ວັນທີ 6 ທັນວາ ລາວພົບມາເລເຊຍ,​ວັນທີ 8 ທັນວາ ລາວພົບໄທ ແລະ ວັນທີ 10 ທັນວາ ລາວພົບກັບຫວຽດນາມ. ຢ່າລືມ ເປັນກຳລັງໃຈນັກເຕະທິມຊາດລາວ ໃນອາຊຽນຄັບ

ໃນລະຫວ່າງ ການມາຢ້ຽມຢາມລາວ ຂອງເຈົ້າຄອງນະຄອນມົສກູ Yury Mikhailovich Luzhkov ໄດ້ມີການປຶກສາຫາລືກັນ ຫລາຍໂຄງການ ໃນນັ້ນ ມີໂຄງການການກໍ່ສ້າງ Moscow Hotel, Moscow Road ຢູ່ນະຄອນຫລວງວຽງຈັນ,  ການຟື້ນຟູ ໂຮງກາຍະສິນແຫ່ງຊາດ, ການສ້າງຕັ້ງສູນວັດທະນະທຳ ແລະ ພາສາລັດເຊຍ ຢູ່ມະຫາວິທະຍາໄລແຫ່ງຊາດ. ທີ່ມາ ນສພ Vientianetimes

ແຂວງວຽງຈັນ ໄດ້ຕັດສິນໃຈຫລຸດຄ່າກະແສໄຟຟ້າ ໃຫ້ແກ່ໂຄງການຊົນລະປະທານ 36 ແຫ່ງ ກວມເອົາ 4 ຕົວເມືອງທົ່ງພຽງ ທີ່ຖືກຜົນກະທົບຈາກສະພາບນ້ຳຖ້ວມ ໃນລະດູຝົນທີ່ຜ່ານມາ ເຊິ່ງເປັນເມືອງທີ່ມີທ່າແຮງດ້ານການຜະລິດກະສິກຳ, ຖ້າໂຄງການໃດຖືກເສຍຫາຍ 50% ຂຶ້ນໄປແມ່ນໄດ້ຮັບການຫລຸດຄ່າກະແສໄຟຟ້າ 50%, ຖ້າເສຍຫາຍ 50% ລົງມາແມ່ນຫລຸດຄ່າໄຟຟ້າ 30%. ຂໍ້ມູນ ຈາກ ນສພ ປະຊາຊົນ